|
Plotte
Gemiddeld 70 % van die
Suid-Afrikaanse bevolking woon in of naby stede. Hulle jaag werk toe
elke dag, net om in die middag weer terug te jaag. Is jy een van hulle ?
Is jy moeg van die stadslewe, maar jy moet naby die stad, goeie
hospitale, skole, lughawens en winkelsentrums wees ? Dan is ‘n plot die
antwoord op jou vraag. Jy is naby die stad met al sy geriewe, maar jy
ervaar jy die rustigheid van ‘n kontreilewensstyl, en die skoonheid
van ons pragtige land.
Plotte Pretoria
Gauteng Suid Afrika
Wat is ‘n plot? ‘ n Plot is ‘n
stukkie grond, ongeveer 3 tot 10 hektaar groot, waarop die eienaar woon
buite die stad. ‘n Plot is egter nie so groot soos ‘n gemiddelde plaas
nie. Vrugte en groente kan daarop verbou word, en lewende hawe aangehou
word, as die eienaar dit sou verkies. Mense koop ‘n plot om weg te kom
van die stadslewe, maar is nog steeds naby aan die stad en hulle kan
naby aan die natuur leef. Plotte en ‘n kontreilewensstyl neem toe in
gewildheid oral oor die land.
Plotte en
Kleinhoewes te koop
Om jou kinders in ‘n veilige
omgewing groot te maak is baie belangrik vir elke ouer. Daar is baie
voordele hoekom ‘n mens jou kinders op ‘n plot moet grootmaak.Op ‘n
plot is daar meer speelplek vir die kinders, hulle kan net soveel troeteldiere
aanhou as wat hulle wou, wat nie altyd moontlik is op ‘n erf nie. Munisipaliteite
beperk dikwels die aantal troeteldiere wat ‘n mens mag aanhou, veral
honde . ‘n Kind kan ook na hartelus rondhardloop en speel en hoef nie op
die uitkyk te wees vir verkeer soos in ‘n stad nie. Hulle kan ook goed
soos ‘n lekker groot swembad of tennisbaan hê
. Iets wat elke seun sal geniet is dat hy
enige plek op ‘n plot kan rondry op sy kwadfiets want daar is genoeg
plek. Kwadfietse word nie in die stadstrate toegelaat nie. Dit is ‘n
groot voordeel wat ‘n plot het . Op ‘n plot kan hulle rondry met hulle
fietse, en hoef nie bekommerd wees oor boetes of dat hulle fietse
gekonfiskeer sal word omdat hulle onwettig rondry nie.
Ons spesialiseer
in Plotte Pretoria Gauteng Suid Afrika
As jy ‘n troeteldier- of
diereliefhebber is, is ‘n plot ook ideaal vir jou, want jy kan soveel
diere en voëls aanhou as wat jy wil. As jy ‘n perdeliefhebber is, kan
jy perde aanhou, omdat jy plek het om hulle aan te hou. Jy kan selfs
stalle bou, jy het genoeg plek om te gaan perdry, en kan jou kinders ‘n
liefde vir perde aan te leer. ‘n Plot is ideal vir diegene wat met
honde wil teel, want hokke kan op die plot gebou word. Die hondjies kan
tuis grootgemaak en verkoop word. Die teel van honde kan baie
winsgewend wees. Klein hondjies van verskillende honderasse bv.
Yorskshire Terriers, word tot R5000 stuk verkoop. As jy met voëls wil
boer, kan jy soveel hokke bou as wat jy wil en dit kan ook in ‘n
winsgewende besigheid omskep word. As jy ‘n ywerige tuinier is, kan jy
eksotiese plante soos orgideë en broodbome op jou plot plant. Kortliks,
om op ‘n plot te woon kan baie winsgewend wees.
Kleinhoewes en
Plotte nou beskikbaar naby Roodeplaatdam in Pretoria Gauteng Suid Afrika
‘n Plot kan ook ideaal wees om
‘n besigheid soos ‘n kwekery vanaf te bedryf, omdat daar genoeg plek en
water beskikbaar is. Om ‘n boorgat op jou plot te hê kan jou
onafhanklik van munisipale water maak. Kantore en werkswinkels kan
gebou word op die plot. Die oprigting van behuising soos tuinwoonstelle
of selfs ‘n tweede huis kan gedoen word en uitverhuur word vir ‘n tweede
inkomste, of alternatiewelik kan ‘n bejaarde ouer of student daar
geakkomodeer word. Daardeur bespaar jy geld sou jy ‘n ander woonstel moes
gaan huur. Jou werkers kan ook op die plot woon.
Verskillende tipes besighede,
soos ‘n kwekery, kan vanf ‘n plot bedryf word. Daar is gewoonlik ‘n
boorgat of alternatiewe waterbron op ’n plot, wat die eienaar tot sy
voordeel kan gebruik.
Nou beskikbaar:
Plotte en Kleinhoewes by Roodeplaatdam, Kameeldrift, Rynoue en ander
gesogte areas in Pretoria omgewing.
Vir afgetrede mense kan ‘n
plot ideaal wees, veral as die persoon nog aktief is. Jy kan nog steeds
jou stokperdjies beoefen, jy kan oral rondloop en jy is nie beperk tot
die mure van ‘n aftreeoord of ‘n woonstel nie. Jy kan steeds doen wat
jy gedoen het, dit bring jou vryheid wat jy wil hê, maar nog steeds
naby jou familie.’n Plot is die ideale plek veral wanneer hulle buitelug
mense is.
‘n Groot deel van die bevolking
is lief vir watersport soos swem, seil, visvang, vlieghengel,
kanovaart ensovoorts. Plotte naby damme, riviere of mere is daarom baie
gewild, en die meeste ontwikkeling vind plaas naby hierdie gebiede.
Plotte in hierdie areas is ook gewild by eiendomsontwikkelaars aangesien
hulle plotte opkoop en later ontwikkel in luukse lewensstyllandgoedere.
Die gewildste gebiede in en om
Pretoria om ‘n plot te hê is die Roodeplaatdamarea, noordoos van
Pretoria, Hartebeespoortdam wes van Pretoria, en die area noord van die
Magaliesberg bergreeks. Hierdie gebiede is veral gewild vanweë hulle
toeganklikheid tot water. Plotte naby hierdie gebiede is hoog in
aanvraag en byna onbekombaar omdat hulle opgekoop word deur eiendomsontwikkelaars.
Die groot voordeel daarvan om in hierdie areas te woon is dat slegs 30
minute se ry vanaf die stad is, maar jy kan steeds in die rustigheid van
die natuur bly, weg van die stadsgewoel. Mense wat ‘n paar jaar gelede
belê het deur ‘n plot in hierdie gebiede vir ‘n paar duisend rand te
koop, maak huidiglik groot winste deurdat pryse geweldig gestyg het en
hierdie eiendomme verkoop nou vir miljoene rande.
Plotte en
Kleinhoewes Pretoria Gauteng
Ontwikkeling beleef ‘n
bloeitydperk en plotte in alle areas word gewaardeer teen toppryse. As
hierdie die leefstyl is waarna jy soek, is daar verkeie ervare
eiedomsagente wat regstaan om jou met raad en daad by te staan.en wat
jou sal help om presies te kry wat jy soek.
| 
